Napoli midfielder Kevin De Bruyne ein return to Manchester City no last long as dem sub am after early red card.
De former Manchester City midfielder dey back where he play for almost ten years, but ein cameo no last long.
E be emotional night for Kevin De Bruyne as de Belgian star make ein return to de Etihad Stadium, where he play from 2016 to 2025 before he move to Napoli as free agent. Over de years for England, De Bruyne make more than 400 appearances and he help Pep Guardiola ein squad win 19 major trophies, including de 2023 UEFA Champions League.
De Bruyne ein Short Return
Sadly, de comeback of De Bruyne for de Etihad only last 25 minutes as Antonio Conte decide to replace am after Napoli captain Giovanni Di Lorenzo receive red card for de 20th minute of de first half and decide to add Mathias Oliveira for de defensive line, while de whole stadium sing de name of demma former idol. E be emotional moment, despite say e brief. Napoli end up lose 2-0 to de English giants with de goals wey Erling Haaland and Jeremy Doku score for de second half.
"Of course, e dey nice for am to come back. I dey excited to see am after de game and I no surprise on ein impact for Napoli. He dey play for dat level, absolutely quick, de players for dat level no need to adapt. He be unique," Guardiola talk ahead of de match.
Conte ein Explanation
Napoli manager Antonio Conte talk about de substitution to Sky Italy and he say, "Sometimes de devil take a turn for de worst, there's cruel twist of fate. Last year we no get single red card, but today for de Champions League we do. E be de only thing I for do: I dey feel sorry for de boy, we take away ein chance to play all or most of de match for ein old stadium."
Earlier dis year, Man City ein chairman Khaldoon Al Mubarark reveal say de