E be like wahala dey go on for inside Maverick City Music camp o! Chandler Moore, one of di people wey start di group, just pack ein bags komot. But dat one no be di koko. Before ein komot sef, ein don sue di CEO, Norman Gyamfi, sey di man dey chop ein money anyhow!
Wetin exactly happen?
According to di tori wey dey ground, Chandler Moore dey accuse Gyamfi sey di CEO steal millions of dollars wey suppose be ein own royalties. Di case file dey Atlanta federal court since last week. Dem sey Gyamfi dey do di tin since 2021 when ein sell Maverick City Music masters to Sony without telling Moore. Dem even sey Gyamfi forge Moore signature so dat dem go dey pay all ein songwriting royalties directly to Maverick City Music.
Moore Talk Sey:
“Gyamfi abuse di power wey I give am and di trust wey I put for ein hand.”
Naomi Raine sef komot
Chandler Moore no be di only person wey komot. Naomi Raine sef don announce sey she dey leave Maverick City Music. E be like say tins no dey go well for di group at all.
Wetin be di next move?
For now, Chandler Moore wan focus on ein solo career. E thank fans and other members of di group for all di support wey dem give am. Di case dey court now, so we go dey wait to see how e go end.
- Lawsuit dey ground against CEO
- Chandler Moore don komot
- Naomi Raine sef don follow komot
We go dey follow di tori closely and update una as e dey happen.